الغالي للغاليين

الغالي للغاليين
 
الرئيسيةمكتبة الصورس .و .جالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» معمر منع يا هووووووووو
الأربعاء سبتمبر 24, 2014 4:05 am من طرف عاشق بربورة

» أدخل وسجل حضورك اليومي بالصلاة علي خاتم الانبياء والمرسلين
الجمعة سبتمبر 23, 2011 2:10 am من طرف Dr.jamal

» السلام عليكم هده بعض الاحاديث والادعيه الوارده عن النبي صل
الجمعة سبتمبر 23, 2011 2:04 am من طرف Dr.jamal

» خطوات الاتصال بالانترنت ( الهاتف المحمول )
الجمعة أكتوبر 09, 2009 12:31 am من طرف Dr.jamal

» اقتراح للاعضاء الجدد
الإثنين سبتمبر 21, 2009 5:56 pm من طرف life is life

» مش ينشط المنتدي
الإثنين سبتمبر 21, 2009 5:50 pm من طرف life is life

» صور متحركه ومتنوعه اهداء للغاليين في منتدانا الغالي
الإثنين سبتمبر 21, 2009 5:18 pm من طرف Dr.jamal

» دعاء صغير تمضي عليه السنه ولاتنتهي الملائكه من كتابه حسناته
الإثنين يوليو 06, 2009 12:03 am من طرف el3alem

» ماذا تعرف عن الرقم 18 الذي بكف يدك ؟
الثلاثاء مايو 05, 2009 3:42 pm من طرف احلى فراشة

الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني

شاطر | 
 

 خودو العلم علي اصوله

اذهب الى الأسفل 
كاتب الموضوعرسالة
راس الاسد
غالي صغيروني
غالي  صغيروني
avatar

ذكر عدد الرسائل : 25
العمر : 34
العمل/الترفيه : مهندس حاسوب
المزاج : ممتاز
1 : 2
السٌّمعَة : 0
تاريخ التسجيل : 24/02/2008

مُساهمةموضوع: خودو العلم علي اصوله   الثلاثاء مارس 04, 2008 1:07 am

( الحلم )
حلمت يا عزيز منام ... تمنيته الليل وما كمل
راقد وجاك النوم ... كذاب ما غلانا شاغلك
اتقول في الغطا مكتوب ... يخطر عزيز ساعات نومها
خيالات ياس عزيز ... للعين وين نامت ايجن
سريب ناس كانوا صوب ... البارح منامي جابهم
معاه النوم غير خيال ... العقل يا بعيدين عندكم

* ( الذكرى والنسيان )
مرهون يالعين انسيه ... ديري عزا وين واصبري
بلا رقرقة يا عين ... انسي عزيز ياساته مضن
يكساها ضباب تحوس ... العين وين لأوهامك تجي
ننهى العين على ذكراه ... تقول نبيه لين ننظره
بكيت والبكا ماجاب ... ننساهم والله غالب علي
متورخين في الخاطر ... اعزاز ما نسيناه صوبهم

*
( مابين ارادة وعاطفة )
واخدين مافي العقل ... سواء بعاد ولا يقربوا
ترك غلاه عاش بلاه ... العقل كيف راعاك خاينة ؟
سبحان اللي هانوا ... واشقى العقل بأولاف غيرهم
بطى العقل يرجى فيك ... تغيب ليش يا مولى الدوا
العقل يا بعاد الدار ... يمسى معاي ويبات عندكم

*
( بكاء )
العين هدبها مبروم ... على عزيز يا ما باكية
ماعاد فيهن هدب ... لنظار م البكا يا غالية
خلاني عزيز يتيم ... بكاي ليل والليل ما كمل
بعد العيب جا منك ... يا عزيز مشكاهن لمن ؟
دموعي على لولاف ... سقطن في صفاء دارن حفر
ننهاهن يديرن عزم ... يمساهن الليل ويذرفن

* (الفراق )
فراق العزيز صعيب ... والصبر في غيابه كادني
ادموعي على لولاف ... نزيل غيم ريحة خامدة

*
( الارياف , الشوق )
امرايف يا عزيز عليك العقل ... حتى وانت يالاه موعره
اريافي ونار غلاك ... يا عزيز انا مانطيقهن
فراق العزيز عذاب ... وعين حزينة مرايفة
العقل مانسيهم يوم ... امرايف على طول ياسهم
مابك مرض يا عين ... على عزيز غير امرايفة
امرايف رياف الطير ... اللي في القفص حابسينه

* ( الجروح )
جروح كامدات الروح..
كاسرات العظم..
طارشات الوذن ..
سالات القلب ..
عاميات العين ..
ساحنات الكبد ..
طبيب ما على داهن ايجي .
جروحات عزيز كبار ... وساع والدوا انا منين لي
خايف العقل يجول ... يلقى الجرح ويغيب الدوا

* ( الغلا , الحب )
لا حرام ولا مسروق ... ليش في غلانا تجحدوا
بسيف الغلا مضروب ... القلب لين هادي حالته
شدي عزايمك يا عين ... يفنى العمر لا بال الغلا
اللي ما تردى مات ... اصحاب الغلا راهو الكل
بلاه مانعيش انموت ... غلاك يا علم نفس وقوت
ان كان الغلا قتال ... الدايم الله يا ارواحنا

* ( الحسد )
اللي حسدك صوب عزيز ... يعيش لا نبا لا عافية
التموا في مقاعده حساد ... عزيز مانلومه ع الخطا
عليك ميعدوا حساد ... ضروك في غلا كان نافعك
عزيز وين صار خطاه ... حساده خدوا غايتهم

* ( الخاطر )
يا عزيز وين تغيب ... ما يجيبلي خير خاطري
الخاطر مامعاه رفيق ... الا غلاك ديما يا علم
سريب غيرهم ما جاب ... الخاطر غواليه القدم
قسامي بلا غيات ... بالخاطر الله لا يجيبهن

* ( القدر , الاحترام , التقدير )
القدر هو رديع الصوب ... ان غابن قوانينه اعدم
ماهن خسارة فيك ... لقدار يا عزيز تقيمهن
في زمان قل القدر ... لقى لتراك خيرله

* ( الخطا )
مازال واجعك يا عين ... خطاهم اللي ماله سبب
خطاي من خطاك معاي ... سبق خطاك كافيته بالخطا
خطا عزيز كيد كبير ... معاه خاطري ناض وقعد
لا عزيز داير خير ... ولا خطاه لا قيله جهد
ليش يا عزيز ادير ... الصوب وانت عابي ع الخطا

* ( الصبر )
الصبر شين وزين ... عليه كان يالعين تقدري
هاك صبر داوي داك ... احسن عزاك في صاحب الغلا
الدمع ما يجيب عزيز ... الصبر خير واولى م البكا
اصبر تنال صوب عزيز ... اموالة الغلا طولة رجا


واخيرا ارجو منكم ان تسمحوا لي بان اهدي هاذين البيتين من العلم لشخص ما ...
فراق العزيز صعيب ... والصبر في غيابه كادني
على صبر ما يلتام ... جرحه جديد مازال خاطري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
el3alem
مشرف قسم الرياضه المحليه
مشرف قسم الرياضه المحليه
avatar

ذكر عدد الرسائل : 2952
العمر : 110
العمل/الترفيه : نرد علي كل المواضيع
المزاج : نشوف في الضي
1 : 1
كيف حال الغالي / الغاليه اليوم :
الدوله :
السٌّمعَة : 0
تاريخ التسجيل : 23/01/2008

مُساهمةموضوع: رد: خودو العلم علي اصوله   الأربعاء مارس 05, 2008 3:10 pm

مشكور يارأس الاسد علي الموضوع وهادي الابيات ياغالي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نجمة الملايين
مشرفة قسم الكوجينه
مشرفة قسم الكوجينه
avatar

انثى عدد الرسائل : 727
العمر : 29
البلد : تنزانيا
العمل/الترفيه : طالبه
المزاج : مش عادي
1 : 1
كيف حال الغالي / الغاليه اليوم :
السٌّمعَة : 0
تاريخ التسجيل : 21/01/2008

مُساهمةموضوع: رد: خودو العلم علي اصوله   الجمعة مارس 07, 2008 2:50 am

السلام عليكم ورحمة الله وباركاته


مشاء الله عليكيا خوي
حلووووووووووات
الأبياتكلهم
وخوصوصا
بيت
متاع
الصبر
والفراق
والجرح
والغلا والحب
مشكووووووووور
نحن في انتظار
أبداعك الجديد
سلاااااام
نجمة الملايين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الفر}i{شة
غالي قاعد يتالق
غالي قاعد يتالق
avatar

انثى عدد الرسائل : 1330
العمر : 31
العمل/الترفيه : student
المزاج : علكيف
1 : 1
كيف حال الغالي / الغاليه اليوم :
السٌّمعَة : 0
تاريخ التسجيل : 02/02/2008

مُساهمةموضوع: رد: خودو العلم علي اصوله   السبت أبريل 19, 2008 6:25 pm

ماشاء الله كلام غاية فى الروعة

شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
خودو العلم علي اصوله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الغالي للغاليين :: منتديات الدراسه والعلوم التطبيقيه :: المنتدي الادبي شعر°° نثر °°قصص °°حكم-
انتقل الى: