احلى شعر على كلية الهندسة --رحلة طالب--, بغبرته

ال خير عليكم كانك قديم في الكلية تدكر الشعر هذا وكانك جديد اتعرف على الجو القديم

أسمع ياولدي بنحكيلك ..... عن كليتي وبنشكيلك

كل عام يجيبوا عميد ..... فيده لوحة وسيف حديد

كل عميد يجي متحزم ..... يغير ويبدل ويحجم

حتى من المكتب متغير ..... أثاث وصالون جديد

خشيت السيمستر الأول ..... ومانبيهاالرحلة طَول

وعالمستقبل بادي نعول...... نشبح فيها الدنيا عيد

ووصلنا للفصل التاني...... وياخوتي جاني اللي جاني

العكسة والدخان خداني ...... وتعرفت على قروب جعاريد

خشينا للفصل الثالث ...... حبينا بنية وتعالت

والدمعة من عيني سالت ...... ومانحكيلك عالتنهيد

ووصلت الرابع ياخوتي...... كوتي كوتي لين يموتي

نقرا ومرزرز سكوتي ..... تحت الرهبة والتهديد

بستة وتلاتين وحيدة ...... خشينا الخامس بزريدة

المعدل طامع بنزيده ...... وادعولي ياخواني يزيد

في السادس قلنا بنرتاحوا ...... قالولي وريقاتك راحوا

حتى من شعراتي طاحوا ...... ونصحوني بتوقيف القيد

في السابع جابولي بشرة ...... قالوا وريقاتك في الكفرة

بنوبة وبزفة وبزكرة ...... تلقيناهم بزغاريد

وصلنا الثامن بعد سنين ...... بالبركة وطلوع العين

لقطنا الستة والسبعين ...... بالتقحيط ومدة ليد

تاسع سيمستر بالذات ...... إرتحنا من هم الساعات

ولهينا بصحبة البنات ...... ولقيناها لا ماتفيد

وفي العاشر قولوا حبينا ...... وفي النهاية جت علينا

قلتلها باي باي وزينة ...... قلبي غلفته بحديد

وفي الحادش فرحتنا iiقوية ...... طلعنا بفرصة إستتنائية

المعدل ياناري عليا ...... لقيته نازل للحضيض

وصلنا الطانش iiعالمسموع ...... فرحنا ونزلنا المشروع

مع دكتور ونوعه نوع ...... مش عارف راسه ملئيد

وفي التالت من بعد العاشر ...... كّترت العكسة في ناصر

زي القّمار اللي خاسر ...... فلس من بعد تفرهيد

ووصلنا لل(14) ...... حتى حاجة مفهمناش

في المشروع ومادرناش ...... تدريه كبيدة وتفديد

15 فصل وفاتوا ...... ناس فلاتي وناس انشاطوا

3/4 قروبي ماتوا ...... وانى مخرت ومعبي صديد

16 فصل وياسرها ...... أمي وخديت بخاطرها

ناقشت وقلت نخبرها ...... ونبلغها بالمفيد

رحلة طويلة ونهيناها ...... في 16 فصل خديناها

ياولدي نبي ننساها --------هادي القصة بالتحديد

كويس حلو

هههههههههههههههه
مشكور يا فضل
او نهادا الشعر يحكي الشي الي صاير في الكلية

هههههههههههههههه
مشكور يا فضل
او نهادا الشعر يحكي الشي الي صاير في الكلية

ههههههههههههههه

مشكور جدا يا فضل علي الرحلة
_________________

هههههه قوية يا فضل شاكر
وزي ما قالو الشعر يحكي حال الكلية
والتشحوير

منور هلبه هلبه

_________________

ادعولي بالنجاح بالله عليك

ليـــــــــــــــــــبي

هههههههه وصحيت عليها يا فضول

_________________
............

.

.

.

صحيت يافضل علي الموضوع الحلو وصحيت عليك عليها

والله كويس
خر نعطوه لا بنائنا بش يتثقفو منه
ممكن تبعهولي يا فضل
راس مالي جني
_________________